Dars rejalari — AI Fundamentals, 20 dars

Yigirma darsning tuzilishi bir xil — shuning uchun bu sahifada yigirmata bir xil jadval yozilmaydi. Avval umumiy 45 daqiqalik tuzilma beriladi, keyin har dars uchun uch narsa: nimaga urg’u berish, sinfda qanday qarshilik chiqishi va darsdan oldin nima tayyorlash.

◆Asosiy g'oya

Vaqt taqsimotidagi eng katta xato — simulyatorga ko’p vaqt berib, tuzoqqa vaqt qoldirmaslik. <Tuzoq> bloki modulning asosiy mexanizmi: u tushib qolsa, dars o’z maqsadini bajarmaydi.

Umumiy tuzilma — 45 daqiqa

Vaqt	Bosqich	Nima bo’ladi
0–4	Kirish	<Hayotda> blokini o’qituvchi o’qiydi yoki proyektorda ko’rsatadi. Bitta savol: «sizda shunday bo’lganmi?»
4–8	Maqsad	Uch ko’nikma aytiladi va doskaga yoziladi. Dars oxirida shu uchtaga qaytiladi
8–20	Nazariya	Bo’limlarni ketma-ket o’qish EMAS. O’qituvchi asosiy g’oyani aytadi, o’quvchilar <Atama> bloklarini o’zlari o’qiydi
20–30	Simulyator	Individual yoki juftlikda. O’qituvchi yurib, natijani so’raydi: «qanday raqam chiqdi?»
30–37	Tuzoq	Majburiy. Avval har kim o’zi topadi, keyin ovoz berish: kim nechanchi qismni tanladi. Keyingina ochiladi
37–42	Munozara yoki Sinov	Munozara savollaridan bittasi yoki <Sinov> savollari og’zaki
42–45	Agentlik	24 soatlik topshiriq aytiladi va yoziladi. AI Jurnaliga yozilishi eslatiladi

Qatlam topshirig’i uy vazifasi sifatida beriladi. Daraja sinfga qarab tanlanadi — javoblar va mezonlar alohida sahifada.

Ikki muqobil ritm

Sinfda internet yo’q: simulyatorlar oflayn ishlaydi, shuning uchun tuzilma o’zgarmaydi. Faqat «Ko’proq o’rganish» havolalari uy vazifasiga ko’chadi.

Bir soat o’rniga ikki soat: simulyatorga 20 daqiqa, munozaraga 15 daqiqa beriladi va Qatlam topshirig’i sinfda boshlanadi.

---

Har dars uchun

1-blok · AI qanday ishlaydi

Dars	Urg’u	Sinfda chiqadigan qarshilik	Tayyorgarlik
1 AI nima va nima emas	«AI sizni tushunmaydi — u naqsh topadi»	«Lekin u men bilan gaplashadi-ku» — javob: gaplashish ≠ tushunish, 6-darsda ochamiz	Modul sahifasidagi AI Jurnali shablonini ko’rsatib qo’ying
2 Naqsh topish	Ikki raqam: o’rgatilganda va ko’rmaganda	«Bir misolda ham to’g’ri topdi-ku» — simulyatorda ko’rmagan misoldagi raqamni ko’rsating	—
3 Ma’lumot	Ko’r nuqta «bilmayman» demaydi	«Demak AI yolg’onchi» — yo’q, niyat yo’q; bu mexanizm	Osh va Navoiy savollarini oldindan sinab ko’ring
4 Belgi tanlash	Mukammal ball — ogohlantirish belgisi	«Nega 100% yomon?» — uch tajribani ketma-ket ko’rsating	Teachable Machine sahifasini ochib qo’ying

2-blok · Til modellari ichida

Dars	Urg’u	Sinfda chiqadigan qarshilik	Tayyorgarlik
5 Token	«Har so’zga token» nisbati	«Bu adolatsizlik» — ha, va sababi texnik; munozaraga oling	Tiktokenizer sahifasi (ixtiyoriy)
6 Bashorat	«Model biladi» emas, «davom ettiradi»	«Unda javoblari nega to’g’ri?» — ma’lumot to’g’ri bo’lgan joyda mos tushadi	Navoiy ssenariysini o’zingiz bir marta o’ynang
7 Ma’no fazosi	Xarita — soya, haqiqat emas	«Demak model ma’noni biladi» — u masofani biladi	—
8 Gallyutsinatsiya	Modulning tayanchi. Uydirma kitobni har o’quvchi ko’rsin	«Men sezardim» — ovoz berish o’tkazing, keyin natijani ko’rsating	Bu darsga vaqtni siqmang. Kerak bo’lsa munozarani tashlang

3-blok · AI bilan ishlash — 4D

Dars	Urg’u	Sinfda chiqadigan qarshilik	Tayyorgarlik
9 Delegatsiya	Uchinchi savol: o’rganish maqsadimi	«Vaqt tejash yaxshi-ku» — ha, lekin maqsad boshqa bo’lsa	—
10 Tavsif	To’rt qism bir-birining o’rnini bosmaydi	«Uzun yozsam bo’ldi» — faqat «format» yoqilgan javobni ko’rsating	—
11 Farqlash	Natijasi to’g’ri, yo’li xato javob	«Javob to’g’ri-ku» — keyingi masalada nima bo’lishini so’rang	—
12 Mas’uliyat	Qoidabuzarlik — yashirish	«Maktabimizda qoida yo’q» — bu darsdan oldin siyosat tasdiqlangan bo’lishi kerak	ai-siyosati.mdx tasdiqlangan bo’lsin

4-blok · Tanqidiy fikrlash

Dars	Urg’u	Sinfda chiqadigan qarshilik	Tayyorgarlik
13 Cheklovlar	«Model unutmaydi — u ko’rmaydi»	«Mening AI im eslaydi» — tashqi xotira ekanini tushuntiring	—
14 Yonbosish	Farq ohangda, mazmunda emas	«Bu haqiqat-ku, statistika shunday» — manba so’rang	Ikki javobni doskaga yonma-yon yozing
15 Soxta kontent	Aniqlagich hukmi dalil emas	«Detektor bor-ku» — ikki xato turini ko’rsating	Bu dars maktab siyosatiga bevosita tegishli
16 Tekshirish	Manbani AI dan so’rash tekshiruv emas	«Vaqt yo’q» — «tarqatmaslik» ham javob	Sinfingizda haqiqatan tarqalgan bitta xabarni tayyorlang

5-blok · Agentlik

Dars	Urg’u	Sinfda chiqadigan qarshilik	Tayyorgarlik
17 O’rganish rejimi	Siz tushuntirasiz, AI kamchilik topadi	«Bu sekinroq» — ha, va ertaga tezroq	—
18 Xavfsizlik	O’lchov maqsadga aylansa buziladi	«AI ayblanmaydimi?» — aytgan odam javobgar	Maktabingizdagi haqiqiy ko’rsatkichni misol qiling
19 Ko’nikma portfeli	O’rtadagi zona eng katta	«Hamma ish yo’qoladi» / «hech narsa o’zgarmaydi» — ikkala chekka ham	—
20 Capstone	Tugagan ish va tayyor ish farqi	«Loyiham tayyor» — o’n mezonni to’ldirtiring	Capstone muddatini oldindan e’lon qiling

---

Baholash

Modulning yakuniy o’lchovi test bali emas. Ikki raqam yoziladi va ular o’quvchining o’zida bo’ladi:

1. Ushlangan tuzoqlar — 20 tadan nechtasi. Modul sahifasida avtomatik hisoblanadi
2. AI Jurnalida topilgan haqiqiy xatolar — o’quvchi o’zi sanaydi

Blok testlari (blok-N-test) o’z-o’zini tekshirish uchun. Baholanadigan variant Google Forms sahifasida.

Capstone uch qatlamda baholanadi va oshkoralik varaqasi majburiy mezon: u bo’lmasa ish qabul qilinmaydi.

Bog’liq sahifalar

• Munozara savollari — har darsga uchtadan
• Qatlam topshiriqlari javoblari
• Maktab AI siyosati
• Yosh chegarasi va ota-ona roziligi
• Google Forms uchun test matnlari